Tá Pacáiste Comhéadan Teanga don Ghaeilge ar fáil don chóras oibriúcháin KDE do Linux. Nuair a chuirtear an comhéadan seo i bhfeidhm, is i nGaeilge a bhíonn na codanna is mó a bhaintear leas astu faoin gcóras (ar a laghad 95% de na teachtaireachtaí is coitianta). Tá an téarmaíocht Ghaeilge an-sothuigthe. Ar ndóigh tá KDE saor in aisce, mar baineann sé leis an bhfealsúnacht Foinse Oscailte.

Is córas oibriúcháin de chuid Linux é Ubuntu atá ar fáil saor in aisce. Dearadh é le go mbeadh daoine in ann dul i dtaithí air gan dua agus go mbeadh sé furasta feidhm a bhaint as. Bíonn Ubuntu lán le ríomhchláir réamhshuite amhail Mozilla Firefox, LibreOffice agus araile. Is féidir Ubuntu a shuiteáil ar do ríomhaire agus Gaeilge a roghnú mar theanga an chomhéadain. Is féidir Ubuntu amháin a shuiteáil ar ríomhaire nó is féidir é a shuiteáil ar ríomhaire ar a bhfuil Windows cheana féin.