Mozilla Firefox don Ríomhaire »

Is brabhsálaí saor ó chostas, agus bunaithe ar fhoinse oscailte, é Mozilla Firefox. Is iad na gnéithe is suntasaí ná cé chomh gasta agus chomh héasca atá sé le suiteáil agus le feidhm a bhaint as. Is feidhmchlár éadrom agus gasta é a chomhlíonann na príomhchaighdeáin idirlín. Tá sé in úsáid go forleathan, go háirithe san Eoraip, áit a bhfuil beagnach an oiread céanna úsáideoirí aige agus atá ag Microsoft Internet Explorer (atá díreach curtha ar fáil sa Ghaeilge).

WordPress »

Bíonn gach mac máthair ag nochtadh a thuairimí ar an ngréasán ar na saolta seo agus is iomaí bealach atá ann chun é sin a dhéanamh. Is féidir do shaol a roinnt le cách ar Facebook nó teachtaireachtaí gearra a fhoilsiú ar Plurk. Ach más mian leat dialann rialta a fhoilsiú ar an ngréasán domhanda is féidir blag a chruthú. Tá suíomh ann anois, WordPress, a chuireann ar do chumas blag a thosú go furasta, agus le comhéadan i nGaeilge. Is féidir blag a chruthú saor ó chostas ar WordPress.

Wunderground »

Is suíomh é seo chun réamhaisnéis aimsire a fháil. Taispeántar neart sonraí faoin aimsir ar fud na cruinne.

Inno - Clár suiteála do Windows »

Tá aithne againn ar fad ar an gconair a leantar nuair a bhíonn clár nua á shuiteáil againn ar ár ríomhairí - brúitear an cnaipe “suiteáil/install” agus tarlaíonn na céimeanna ina dhiaidh go huathoibríoch - draíocht. Is uirlis saor ó chostas é inno a chuireann ar chumas an té a chruthaíonn an bogearra sin an áis shuiteála sin a chruthú sa chaoi is gur féidir an bogearra sin (nó comhaid, ⁊rl) a shuiteáil ar bhealach tapa agus eagraithe.