Microsoft Office 2003 - comhéadan Gaeilge

Íosluchtaigh
Údar:

Microsoft

Ceadúnas: Saor má tá Office 2003 agat cheana féin
Maidir Leis

Is dócha gurb é Microsoft Office an clár is mó úsáidte in oifigí an domhain. Tá comhéadan Gaeilge ann don chuid is tábhachtaí de Microsoft Office 2003 (LIP - Language Interface Pack). Ní mór Microsoft Office 2003 a bheith suiteáilte cheana féin ar do ríomhaire sular féidir an comhéadan Gaeilge a chur i bhfeidhm air. Tá an comhéadan ar fáil saor in aisce. Tá comhad amháin ann don phacáiste uile - Outlook, Word, Excel, Powerpoint.

Treoracha

Tá na treoracha ar fáil ar an leathanach seo i scriobh.ie.

Teanga an Chomhéadain agus Teanga Eagarthóireachta

Is é aidhm an láithreáin seo ná a mhíniú cén chaoi le teanga an chomhéadain a athrú go Gaeilge. Ní mór a thuiscint, áfach, nach ionann teanga an chomhéadain agus an teanga eagarthóireachta. Tá a thuilleadh maidir leis seo ar scriobh.ie.

Léirmheas

Sraith feidhmchlár den scoth, ach is gá íoc astu.

Aistriúchán

Bainisteoir Aistriúcháin:

Microsoft

An tAistriúchán:

Tá an t-aistriúchán a rinneadh ar na feidhmchláir seo an-mhaith.

An fhadhb, faraor, ná gur eisíodh é i bhfad tar éis don chlár féin teacht amach sa mhargadh, mar sin ní raibh de rogha ag daoine ach an leagan Béarla a úsáid. Mar sin féin, tá sé go breá a fheiceáil go ndearna Microsoft sár-obair ar an aistriúchán féin. Tá na téarmaí so-thuigthe den chuid is mó, agus níl aon amhras go raibh ar Microsoft focail agus téarmaí nua a chumadh don saothar seo.

Litreoirí Leictreonacha

Tá litreoir leictreonach ann freisin, ó Microsoft. Bhí sé maith nuair a eisíodh é, ach níor ceartaíodh na botúin riamh, agus ní dhéantar athnuachan air.

Tá táirge (.i. litreoir) eile ann, ó Cruinneog, bunaithe ar Gaelspell agus tá a thuilleadh eolais faoi anseo.

  TUAIRIMÍ NA LÉITHEOIRÍ