Adaptxt - méarchlár le tuarthéacs

Íosluchtaigh
Údar:

Ó 24 Meán Fómhair oibríonn sé seo ar an iPhone chomh maith!

Is é Kevin Scannell a rinne an leagan Gaeilge.

Tá leagan ann freisin i nGaeilge na hAlban, agus é curtha le chéile ag Michael Bauer.

Tá leagan ann i mBéarla, agus iliomad teangacha eile. Is féidir suas le cúig theanga a chur ar Adaptxt ag an am céanna, agus athrú siar aniar eatarthu go héasca, fiú i lár abairte. Nó gá ach an barra spáis a úsáid chuige sin.

Níl aon amhas ann ach go bhfuil Adaptxt ar cheann de na háiseanna is fearr atá ann!

Ceadúnas: Costas beag (ach is mór is fiú é!)
Maidir Leis

Má tá guthán AndroidiOS agat agus má tá cabhair uait chun rudaí a chlóscríobh i nGaeilge is fiú go mór an méarchlár Adaptxt a íosluchtú agus a shuiteáil ar do ghuthán. Oibríonn sé agus téacs ar bith á scríobh, ríomhphoist san áireamh. Is fearr é seo ná aon cheann eile, Multiling san áireamh. Is méarchlár i gcomhair iliomad teangacha é, agus ní hamháin go ndéanann sé tuarthéacs a chur i bhfeidhm go héifeachtach, ach molann sé focail iomlána freisin bunaithe ar an gcineál céanna anailíse staitistiúil. “Tuarfhocal” mar sin!

Treoracha

Íosluchtaigh ón leathanach ar Ghoogle Play é agus suiteáil ar do ghuthán é (Cuir isteach an focal cuardaigh adaptxt - Tabhair faoi dearadh gur adaptxt, agus ní adaptExt atá ann.) Is féidir é a shuiteáil go díreach ar an nguthán trí dhul go Google Play ar an nguthán nó is féidir é a shuiteáil go neamhdhíreach trí é a aimsiú ar Ghoogle Play ar ríomhaire.

Is gá an foclóir Gaeilge a íosluchtú i ndiaidh an feidhmchláirín a shuiteáil. Cuir an clár féin ag feidhmiú, agus lean loighic an ruda.

Má tá treoracha níos mine uait:

Tá sé seo bunaithe ar threoracha a chuir Michael Bauer (do Ghaeilge na hAlban) le chéile Treoracha don Ghàidhlig. Tá íomhánna ar an suíomh seo, mar sin is féidir iadsan a scrúdú más gá.

Don leagan iOS, ní mór na gnáthrúibricí a leanúint. Tosaigh anseo.

Don Ghaeilge

Adaptxt - Tuarthéacs sa Ghaeilge (don Android amháin)

  • Téigh go dtí Google Play (ar do ghuthán Android) agus cuir isteach an focal cuardaigh “adaptxt” (ní adaptExt). Feicfidh tú “Adaptxt Keyboard”. Roghnaigh “Install”, agus ansin “Open”. Lean an gnáth loighic.
  • Nuair a thugtar an rogha duit, glac le “Accept” agus ansin “Setup”.
  • Bí cúramach go leanann tú na treoracha maidir leis an gcnaipe “Siar/Back”. Is é an rud nádúrtha é le déanamh, ach mar sin féin d’fhéadfaí botún a dhéanamh sa phróiseas.
  • Ag an bpointe seo, fiafraítear díot maidir leis na teangacha. Roghnaigh na cinn atá uait, an Ghaeilge sa chéad áit ar ndóigh.
  • Tar éis duit é seo a dhéanamh, roghnaigh an cnaipe “Siar (Back)”, mar a luaitear thuas. Ansin roghnaigh “Next” ar an scáileán.
  • Tugtar rogha duit ansin maidir leis an méarchlár le roghnú (as na cinn ar fad atá suiteáilte ar do ghuthán). Roghnaigh an ceann a deir “Adaptxt”. Ansin, nuair a thugtar an rogha duit, brúigh “Next”.
  • Ag an bpointe sin, osclaíonn fuinneoigín agus iarrtar ar an úsáideoir é a bhrú ar feadh soicind nó dhó, chun calabrú nó a leithéid a dhéanamh.
  • Sin an jab déanta. Brúigh “Finish” agus ar aghaidh leat ag scríobh.

Nóta:

Má tá aon chúis agat athruithe a dhéanamh ar Adaptxt ar ball, mar shampla má tá teanga nua le cur leis, is féidir leat teacht ar an gclár féin trí rochtain ar Bhainisteoir na mBreiseán.

Léirmheas

An áis is fearr dá leithéid. Moltar go hard é!

Oibríonn sé agus téacs ar bith á scríobh, ríomhphoist san áireamh.

Nóta: Is féidir an teanga oibre a athrú go héasca, fiú i lár abairte. Ba cheart an barra spáis a choinneáil bruite ar feadh soicind nó dhá, agus ansin é a bhogadh ar clé nó ar dheis, mar is cuí. (Tá sé éagsúil ón méarchlár Multiling sa chomhthéacs seo.)

Aistriúchán

Bainisteoir Aistriúcháin:

Kevin Scannell don Ghaeilge. Daoine eile do theangacha eile.

An tAistriúchán:

Sár-obair. Tá sé bunaithe ar anailís staitistiúil ar chorpas an-mhór, mar sin tá sé iontaofa.

Moltaí Aistriúcháin:

Kevin Scannell

  TUAIRIMÍ NA LÉITHEOIRÍ